Ci era una volta u Portu…
Hè sempre statu cunsideratu u situ di u Portu di Cardu da postu di primura ch’ellu sia per a navigazione o per u cummerciu cù a Terraferma. Mentre l’Antichità, Mantinum avia digià pigliatu a seguita di l’ambizione purtuarie di Aleria è di Mariana, arinati ch’elli eranu issi porti per via di l’alluvioni di u Tavignani è di u Golu.
14 di ferraghju di u 1661: decidenu i Nobili Dodeci di fà custruisce un primu molu inde l’anticu Portu Cardu.
1852: principianu i travagli di u molu di u Tragone
1860: vene spiantatu u scogliu di u “Lione” è hè assestata a calata à meziornu
Da Cardu à u bacinu di San Niculaiu
1838: una deliberazione vole a custruzzione di un portu novu
1845: si face di più precisu u prugettu
1848: hè pigliata a decisione
1858: a Cumpagnia VALERY pattighjeghja incù u Statu da assicurà u serviziu marittimu di i porti di Corsica
1860: intervene Napulione III da permette l’attribuzione di i crediti.
1873: Cumparisce a Cumpagnia FRAISSINET, in lu frattempu perde u so monopoliu a Cumpagnia VALERY
1890: ùn sò ancu à compie e calate
1895: quantunque l’abbriu pigliatu da i battelli à vapore, raprisentanu sempre 40% di u trafficu cummerciale i battelli à vele
1911: gestisce u portu a Camera di Cummerciu è d’Industria.
U trà duie guerre
1920: hè accunsentuta à a Camera di Cummerciu è d’Industria a cuncessione ufficiale di u Portu
1935: hè chjosu in parte u molu di u Fangu
1939: hè messu u lume per i moli di “Rive” è di u Fangu
1943: i bumbardamenti arruvinanu guasi l’inseme di l’assesti purtuari
Di dicembre 1944: hè sempre ingumbratu u portu da battelli spaccati : u “Tibériade”, u ” Sidi Mabrouk” è u “Mont Agel”
Turnà à custruisce
1948: à a Cumpagnia Fraissinet li succede a Cumpagnia Generale Transatlantica per e linee di a Corsica
1956: vene compia a custruzzione di i baracconi
1963: e calate di u Nordu Levante è di u Levante fermanu da ricustruisce – u primu battellu à manutenzione urizontale hè messu in serviziu
1975: u molu da i “Car-ferries” hè messu in serviziu
1979: per via di una timpesta centennale, hè dannighjatu assai u Portu
1987: 4 baracconi sò distrutti, venenu assestati parcheghji
1990: si allarganu i terrapiani à nantu à u mare
U portu mudernu
1956: hè compia a ricustruzzione di i baracconi
1996: si avvia ver’di a mudernità u Portu di Bastia : sò creati dui Terminali Marittimi, si torna à assestà i terrapiani
2002: assestu di u spaziu di u portu (spazii verdi, parcheghji, funtane, vapurizadori di acqua)
2004: sò stabiliti attrazzi di sfruttera dinamica (messaghjeria varievule, pannelli luccichenti, infurmazione in tempu reale….)
2006: rinnovu di a cuncessione di u portu di Bastia da a Cullettività Territuriale di Corsica, postu ch’ella hà issa cumpetenza dapoi u 2005
2009: venenu assudati i terrapiani di u Meziornu
2011: rifacimentu di u baraccone 5
2017: allarghera di u terrapianu di u Nordu Levante
2018: hè rinuvatu u Terminale di u Meziornu