Attori di u Portu

Attori di u Portu

Capitaneria

Hè u locu di pratica di l’uffiziali di u portu, raprisenta una cellula funziunale di u portu.
Hè incaricata di a messa in anda di i mezi chì abbisognanu à l’accolta di un battellu in l’area purtuaria. Cuncretizeghja a prisenza cuntinua di l’auturità purtuaria per i battelli è i passaghjeri.
Ti hà dinù una missione di pulizza cuncessa li soprattuttu da u codice di i porti marittimi.
L’uffiziali anu un rollu di pulizza purtuaria. Verificheghjanu è curanu l’infrastrutture purtuarie, a signaletica, i fochi, u statu di i fondi è l’appiegazione di i regulamenti di pulizza. Avvianu i succorsi per i battelli in periculu.
E missione soie sò varie assai è riguardanu duminii parechji, da u prevenimentu è a repressione, à a regulazione di u trafficu purtuariu : vene à dì ch’elli arreguleghjanu l’ordine di entrata è di partenza di i battelli in u portu, attribuiscenu posti per l’armighjime, curanu e manuvre, urdineghjanu è inversieghjanu i muvimenti.
Danu ordini à i capitani, à i piloti è à l’operai incaricati di l’armighjime, scunfiniscenu tuttu ciò chì tocca à u muvimentu di i battelli è à l’adempiimentu di e misure di sicurezza, di ordine è di pulizza.
L’uffiziali di u portu assicuranu l’esecuzione di l’inseme di i regulamenti generali è particulari chì riguardanu a pulizza è a sfruttera di u portu.

CUNTATTU : Capitaneria di u Portu di Bastia Cumandante Frédéric EDELINE
Tel: 33 (0) 4 95 34 42 72 – Fax: 33 (0) 4 95 34 42 88

Dugane

Hà per missione l’amministrazione di e Dugane è di i diritti indiretti di assicurà u cuntrollu di i flussi di i viaghjadori è di e mercanzie à ogni partenza è à ogni sbarcu di i battelli. In u quadru di u pianu “Vigipirate”, participeghja à a messa in securità di l’infrastrutture purtuarie (è aerupurtuarie). À a Dugana li tocca à ricote i diritti di dugana, i diritti di portu, a TIPP è altre tasse. Gestisce dinù u settore di e cuntribuzione indirette (viticultura, alcoli, tavaccu, ecc.)

Cuntattu: Dugana – Tel : 33 (0)4 95 34 87 87 – Fax : 33 (0)4 95 31 59 80
Situ: www.douane.gouv.fr Indirizzu mail: div-bastia@douane.finances.gouv.fr

 

Pulizza di e fruntiere

A PAF (Pulizza di e fruntiere) di u Cismonte hè prisente à nantu à u portu di Bastia in u quadru di e leie marittime dirette per via di trasburdadori cù unu frà i Stati membri di a Cunvenzione di Appiegazione di l’accordu di SCHENGEN, vene à dì l’Italia. In cullaburazione stretta cù u serviziu di e Dugane, a so missione hè u cuntrollu di i flussi migratorii è a circulazione trasfruntaliera. Eseguisce varii cuntrolli mentre u sbarcu è a partenza di i battelli chì approdanu in u portu di Bastia.

CUNTATTU : P.A.F – Tel: 33 (0) 4 95 55 22 32 – Fax: 33 (0) 4 95 55 22 33

 

Pilutaghju

Hè un obligu a prisenza di un pilotu à bordu di ogni battellu di 15 tunnellate è più di stazza netta è longu 45m è più.
Hè assicuratu u serviziu di pilutaghju da a stazione di pilutaghju di Bastia per via di 3 vidette.

Sò 6 i piloti à intervene notte è ghjornu segondu a dumanda di a Capitaneria.

Tel: 33 (0) 4 95 31 50 95 – Fax: 33 (0) 4 95 34 43 13

 

Serviziu di armighjime è di rimorca

Vene fattu u serviziu di Armighjime da 9 marinari assicurendu i passa è veni di i battelli 365 ghjorni à l’annu è a ghjurnata sana.

Da eseguisce l’armighjime in cundizione bone, dispone a sucetà di duie imbarcazione di 8 metri custruite per un’attività di una putenza di 260 CV è di 150 CV.

Arma a sucetà di Armighjime u Rimurcadore RABLE cù un equipagiu di 4 marinari.

Hà una trattura di 12,5 T u Rimurcadore, una vitezza di 10 nodi, hè longu 21,80 m, largu 6,75 m, cù una prufundezza di 3,15 m, un mutore di 1200CV (450 kw X 2), una prupulsione : voight-schneider

CUNTATTU : Cuuperativa di Armighjime è di Rimorca – Tel: 33 (0)4 95 31 80 51 – Fax: 33 (0)4 95 34 43 08
Indirizzu mail: lamanage.bastia@wanadoo.fr

 

Maneghju di e mercanzie (BCMO)

A Scop MAB (Manutention Acconage Bastia) hè incaricata di l’uperazione di manighjime à nantu à u portu.
U so rollu hè d’ingagià ogni ghjornu (da u luni à a dumenica cumpresa) i camalli è i cunduttori di attrazzi è vitturoni segondu ciò chì abbisona à i battelli. Dispone di 12 camalli prufeziunali è di 30 uccasiunali.

CUNTATTU : – Tel: 33 (0) 4 95 31 08 06 – Fax: 33 (0) 4 95 34 11 47