Da ch’ellu hè statu creatu u Corsica Cruise Club, in u 2009, si dà di rimenu a CCI 2B per a prumuzione è u sviluppu di l’attività di crucera in i porti di u Cismonte à fiancu à i so partenarii : A Cumunità di Agglumerazione di Bastia, a Cumunità di e Cumune di Lisula, a Merria di Calvi è a Merria di San Fiurenzu.
2 assi principali struttureghjanu l’azzione di u Corsica Cruise Club :
– A prumuzione cummerciale :
Da prumove u Club, participeghja a CCI 2B à i sfarenti saloni prufeziunali di crucera di livellu internaziunale. Face missione cummerciale regulare in B2B da circà mercati novi, appronta dinù educagiri chì volenu fà cunnosce l’infrastrutture è i territorii nostri à l’armadori di crucera scuntrati. Dapoi u mese di ghjugnu di u 2015, hè dinù a CCI2B un sociu di Medcruise. Addunisce questu 72 soci chì raprisentanu una centina di porti di u Mediterraniu è di i mari circunvicini. MedCruise, à tempu think tank è arnese di prumuzione, permette à i so soci di apprufittà di una rete è di occasione di sviluppu impurtante.
– A qualità di u serviziu :
I porti di u Corsica Cruise Club incalcanu soprattuttu à nantu à a qualità di serviziu porta à i battelli è à i passaghjeri chì ci scalanu : accolte persunalizate, attrazzi è libretti specifichi… Hè per quessa ch’ella travaglia propriu a CCI2B à fiancu à l’Uffizii di Turisimu di Bastia, Calvi, Lisula è San Fiurenzu.
Per via di e sfarente azzione cundutte, attraenu regulare, i porti di u Corsica Cruise Club, cumpagnie nove pusiziunate anzituttu à nantu à mercati di alta qualità è di lussu.
In u 2018, avemu accoltu 77 scali di crucera.
Responsevule di u sviluppu crucera
Anne-Marie SPINOSI
04.95.55.25.11 / am.spinosi@bastia.port.fr
www.corsica-cruise.com
